აიკრძალოს ცხოველებზე ექსპერიმენტები

საქართველოში ლაბორატორიებსა და უნივერსიტეტებში გამოყენებული ცხოველები – თაგვები, ვირთხები, კურდღლები, კატები, ძაღლები და სხვები – სამეცნიერო ექსპერიმენტებისთვის, კვლევებისა და სასწავლო მიზნებისთვის იძალადებიან.

ბევრს ჰგონია, რომ ეს მეცნიერებისა და მედიცინის აუცილებელი ნაწილია. მაგრამ დღეს, თანამედროვე ტექნოლოგიების წყალობით, არსებობს ეფექტიანი ალტერნატივები, რომლებიც ცხოველების დაზიანებას არ მოითხოვს. დროა, საქართველომ წინ წაიწიოს და ცხოველებზე ექსპერიმენტებს ჩამოშორდეს.

ლაბორატორიებისთვის ცხოველებისთვის ცხოვრება ნამდვილი ჯოჯოხეთია.

ისინი თითქმის მთელ სიცოცხლეს ატარებენ პატარა გალიებში, დღის სინათლეს ვერასოდეს ხედავენ. გალიიდან გამოჰყავთ მხოლოდ მტკივნეული პროცედურებისთვის, რომლებიც უმეტეს შემთხვევაში სიკვდილით მთავრდება – ყველაფრი მეცნიერების სახელით.

იმის გასაგებად, თუ რეალურად როგორ ტარდება ეს ექსპერიმენტები, გთხოვთ, უყუროთ ამ ან ამ ვიდეოებს.

ჩვენ დავიწყეთ პეტიცია საქართველოს პარლამენტისადმი შემდეგი მოთხოვნებით:

• საქართველოს მასშტაბით ცხოველებზე ექსპერიმენტების აკრძალვა
• ცხოველებზე დატესტილი პროდუქციის იმპორტის აკრძალვა
• მეცნიერებისთვის არსებული ალტერნატიული მეთოდების გამოყენების ან ახალი მეთოდების შემუშავებაში ინვესტიციის მოთხოვნა
• ლაბორატორიებსა და უნივერსიტეტებში სრული გამჭვირვალობის უზრუნველყოფა, რათა საზოგადოებამ იცოდეს, რა ბედი ეწევათ ცხოველებს

გთხოვთ, მოაწერეთ ხელი და გაავრცელეთ ეს პეტიცია – თითოეული ხელმოწერა მნიშვნელოვანია! რაც უფრო მეტი ადამიანი მოაწერს ხელს, მით უფრო ძლიერია გზავნილი, რომ ეს სიგიჟე უნდა დასრულდეს.

უახლოეს მომავალში ჩვენ ასევე დავიწყებთ რეგულარული აქციების ორგანიზებას, რათა საზოგადოებაში გავზარდოთ ცნობიერება, ცხოველების სახელით ხმა ავიმაღლოთ და მეტი ადამიანი ჩავრთოთ ამ ბრძოლაში.

სანამ აქ ხართ – უკვე მოაწერეთ ხელი ჩვენს პეტიციას, რომელიც კონტაქტური ზოოპარკების წინააღმდეგაა?

მნიშვნელოვანი: ხელმოწერის შემდეგ არ დაგავიწყდეთ თქვენი ელფოსტის დადასტურება, წინააღმდეგ შემთხვევაში თქვენი ხელმოწერა არ ჩაითვლება. დამადასტურებელი წერილი შესაძლოა ცოტა ხანს იგვიანებდეს, ამიტომ შეამოწმეთ როგორც „Inbox“-ი, ასევე „Spam“-ის საქაღალდე.

ხელმოწერის შემდეგ შესაძლოა შემოწირულობის გაკეთებაც შემოგთავაზონ – გთხოვთ, ნუ გააკეთებთ! ეს ფული გადადის Change.org-ზე და არა ჩვენთან. თუ გსურთ, დაგვეხმაროთ, დააჭირეთ აქ.

გმადლობთ მხარდაჭერისთვის. ეს ცხოველებისთვის უდიდეს მნიშვნელობას ატარებს.

გმადლობთ მხარდაჭერისთვის. ეს ცხოველებისთვის უდიდეს მნიშვნელობას ატარებს.