მოსკოვში გამომავალი ყოველდღიური გაზეთი მოსკოვსკი კომსომოლეცი იუწყება, რომ მოსკოვის მერი, იური ლუჟკოვი მოსკოვში კორიდის ჩატარების აკრძალვის ინიციატივით გამოდის. ინიციატივის თანახმად, რომელსაც ამჟამად მოსკოვის საქალაქო დუმა განიხილავს, კორიდის ორგანიზატორებს დიდი ოდენობით ჯარიმა დაეკისრებათ.

მსახიობი პირს ბროსნანი შეუერთდა ცხოველთა დაცვის საერთაშორისო ფონდის (IFAW) კამპანიას ვეშაპების ხოცვის წინააღმდეგ. ფონდის ინტერნეტ-გვერდიდან ბროსნანი თანამოაზრეებს მოუწოდებს წერილობით მიმართონ ისლანდიის, ნორვეგიის და იაპონიის მთავრობებს და მოითხოვონ ამ ქვეყნების მიერ ვეშაპების ხოცვის შეწყვეტა. ინტერნეტ-გვერდზე მოთავსებულია შეტყობინების ელექტრონული ფორმები, რომელთა გამოყენებით შესაძლებელია ელექტრონული საპროტესტო წერილების გაგზავნა ისლანდიის, ნორვეგიისა და იაპონიის საელჩოების მისამართებზე.

შაბათს, 16 აგვისტოს, ცხოველთა დაცვის აქტივისტებმა მთელს მსოფლიოში აღნიშნეს უსახლკარო ცხოველთა დაცვის დღე, რომელიც 1992 წელს დააწესა ცხოველთა უფლებების საერთაშორისო საზოგადოებამ (ISAR). ამ დღის მიზანია უსახლკარო ცხოველთა პრობლემებისადმი საზოგადოების ყურადღების მიპყრობა და ცხოველთა სტერილიზაციის პოპულარიზაცია.

ამერიკულ ჟურნალში LA Weekly დაიბეჭდა ჟურნალისტ ბელინდა კუპერის სტატია, რომელიც ეხება უსახლკარო ცხოველების მდგომარეობას საქართველოში: http://www.laweekly.com/ink/03/37/features-cooper.php

"ინტერნიშის" (ჰუმანური განათლების საერთაშორისო ქსელი) ფინანსური დახმარებითა და ხელშეწყობით, ცხოველთა უფლებების კომიტეტის წევრი და "ინტერნიშის" კოორდინატორი საქართველოში ირინა წირქვაძე აპირებს გამოუშვას "ინტერნიშის" ფილმის ქართული ვარიანტი.

ამა წლის 9 დეკემბერს ცხოველთა უფლებების კომიტეტის ოფიციალურმა ინტერნეტ-გვერდმა მესამე ადგილი დაიკავა ფონდ "ღია საზოგადოება - საქართველოს" (სოროსის ფონდი) მიერ ორგანიზებულ ვებ კონკურსში. ეს უკვე მეორე შემთხვევაა, როდესაც კომიტეტის ინტერნეტ-გვერდი მესამე ადგილს იკავებს ამ ვებ კონკურსში.

(გეა. 9 ნოემბერი, 2001 წ.) თბილისის საკრებულომ დედაქალაქის ტერიტორიაზე ძაღლების, კატებისა და მტაცებელი ცხოველების შენახვის წესის შესახებ იმსჯელა. კერძოდ, დადგინდა, რომ ძაღლების შენახვა შესაძლებელია მხოლოდ იზოლირებულ ტერიტორიაზე, კომუნალურ ბინებში მცხოვრებლებს შეიძლება ჰყავდეთ მხოლოდ ერთი ძაღლი ან კატა.

2 ნოემბერი, 2001 წ. კომპანიებს "ვოლვო", "ფოლკსვაგენ" და "ლენდ როვერ" მიენიჭათ ცხოველთა ეთიკური მოპყრობის ასოციაციის (PETA, აშშ) საგანგებო ჯილდო, რომლის მიზანია წაახალისოს კომპანიების მიერ ცხოველთა დადებითი მხრით წარმოჩენა.

ქალაქ თბილისის ხელისუფლება იმ დასკვნამდე მიდის, რომ ცხოველთა კონტროლის საკითხი ერთი ორგანოს კომპეტენციის ქვეშ უნდა მოექცეს.

<< |    [1]  [2]